-
CPANewsletter CPA Curaçao Ports Autority | © Copyright 2018
Boletin pa empleado di CPA/KTK/CPO Aprel 2018
Bou’i Brùg
Apresiabel empleadonan,Bou’i Brùg tei atrobe, pero e biaha aki
den un bachi nobo, digital. Asina ta spar papel i ta bon pa medio
ambiente! Bo por les’é riba bo kòmpiuter, bo telefòn i riba e 12
pantayanan di CPA, KTK i CPO.Entrante awe Bou’i Brug lo sali
periodikamente i ta konsistí di yen di notisia, pòrtrèt t i
entrevista. Asina ku plaser nos ta tené bo na altura kiko tur ta
tuma lugá den nos organisashon. Nos ta deseá bo hopi plaser ku
lesamentu di e boletin aki!
Na CPA ta traha duru pero e Tim di Maneho ta haña ku mester tin
sufisiente tempu pa distraishon i aktividatnan sosial. Den pasado a
organisá diferente aktividat grandi i evento di teambuilding pa e
personal kompletu. E aña aki e Tim di Maneho ta skohe pa un
aserkamentu di eskala mas chikí i mas konsiente di e gastunan
embolbí.Sau Bridgewater: ‘Nos ke stimulá departamentunan pa
organisá happy hour ku otro pa asina krea mas
solidaridat i kolegialidat. En prinsipio departamentunan por
organisá esaki dos biaha pa aña. E hefenan di departamentu por
indiká kiko nan tin planiá di hasi i kiko e gastunan balotá lo ta.
Nan mes por hasi pedido di kos di kuminda i di bebe i entregá tur
faktura serka mi.’ Di e departamentunan ku lo organisá un happy
hour e kuartal ku ta bini lo publiká un bunita reportahe di potrèt
den e próksimo boletin.
Introdukshon
Grupo di CPA ta bira BÈRDÈKuido di nos medio ambiente i
minimalisá e impakto riba nos medio ambiente ku shushi di plèstik i
zeta ku ta lèk ta importante pa CPA, CPO i KTK. P’esei a lansa e
aña aki un kampaña di konsientisashon pa medio ambiente pa informá
e empleado kiko tur e grupo di CPA ta hasi kaba i kiko ta spera di
e empleado. Sau Bridgewater ta orguyoso di loke e organisashon a
kuminsá kuné kaba. E ta spera ku e video nobo ku a traha
spesialmente pa e kampaña di konsientisashon pa medio ambiente ta
inspirá e empleado na un kontinuashon aún mas di nos komportashon
bèrdè:
Algun medida di CPA pa kuida nos medio ambiente • Instalashon di
pènel solar riba
dak di CPA i CPO• Remplaso di e peranan di lus pa
pera di LED• Remplaso di èrkonan bieu pa èrko
‘inverter’• Kompra di kòmpiuter ku ta spar
energia• Pone prenternan na algun sitio
sentral pa redusí uso di papel• Remplaso di bòter i kùp di
plèstik
pa kòpi (mok) duradero pa kada personal i palitunan di plèstik
pa esnan di palu
CPA i KTK tambe a tuma diferente medida pa kuida nos medio
ambiente. Ehèmpelnan bunita ta resiklahe di heru bieu, paga motor
di fèri na momentu ku tené sendé innesesariamente, pone baki
spesial pa lèkmentu di barínan di zeta i uso di trùknan spesial pa
chupa zeta pa evitá ku zeta shushi ta lèk innesesario riba suela.
Tur kaminda na mundu tin mas atenshon pa medio ambiente i komo
grupo di kompanianan di CPA ku plaser ta aportá na esaki!
Seshon informativo tokante proyektoCPA ta bira BÈRDÈ
Mas Happy Hour na trabou!
Kita sombré pa hubilario-nanNo ménos ku diesun hubilario tabata
sentro di atenshon den e kuartal ku a pasa pa nan fiel dedikashon i
añanan di servisio na CPA i KTK. Den e boletin aki lo bo lesa tur
kaminda den rúbrika kòrtiku kiko e koleganan eksperensiá aki segun
nan hefenan ta kontribuí na nos kompania.
Clarenie Vicario tin 20 aña kaba funshonando na CPA, promé den
servisio tékniko i despues den e departamentu di seguridat. Su hefe
Rignald Jonis ta apresiá su aktitut dirigí riba kliente. Rignald:
‘Clarenie ta un kolega sosial i positivo ku tin kurashi i ta aktua
firme.
Resientemente el a bula den awa sin duda ningun momentu pa yuda
un turista krusero ku pa deskuido a kai den laman. Esei ta presis
loke bo ta spera di un bon empleado di seguridat!
Masha Pabien papa Derrelwin Curial, lots na CPO ku binida di
Q-Sheena Sinaya . Q-Sheena Sinaya a nase 2 di mart 2018 komo yu
muhé di Derrelwin en Miguelangela i ruman muhé di D’Shainely i
Mishoundry. E deseo di mas grandi di e mayornan ta pa e biba un
bida trahando duru pa logra tur e metanan ku e mes a stipulá.
Masha Pabien papa Sem Ayoubi, Mènedjer di Shipping Development
na CPA ku binida di Zayn Karim. Zayn Karim a nase 15 di yanüari
2018 komo yu hòmber di Sem i Fayrouze i ruman hòmber di Mito. E
deseo di mas grandi di e mayornan ta pa e biba salú i felis i pa e
bai pa tur su soñonan.
Nasementu di un yu semper ta un akontesimentu spesial i intenso.
Nos ta deseá tur miembro di nos personal i nan partner, ku den e
último lunanan a haña ‘un yu, e mihó deseonan i ta spera ku nan ta
gosa tur ku tin di nan prens òf prensès.
Beibi na bordo!
Q-Sheena Sinaya i Zayn Karim
20aña
-
Bou’i Brùg CPA
Tur aña CPA ta guia stazjèr di Hulanda i Kòrsou. Asina e
organisashon ta kontribuí na desaroyo di talentonan yòn. E aña aki
seis stazjèr nobo di diferente disiplina di estudio i institutonan
di edukashon a kuminsá entusiasmá ku nan tarea di stazje, ku ta
dura algun luna. E stazjèrnan ta di Maritiem Opleidingsinstituut
Willem Barentsz,
HZ University of Applied Sciences, Rooms Katholieke MTS na
Kòrsou, The Hague University of Applied Sciences i Universidat di
Kòrsou Dr. Moises Da Costa Gomez. Nan lo reforsá CPA e lunanan ku
ta bini i si e resultado di e stazje ta na satisfakshon di ámbos
banda, den futuro un di nan lo por regresá komo kolega?
Invertí seis biaha den hubentut
‘Koleganan ku ta hasi aña den spòtlait!
Bo a bira un aña mas grandi i eksperensiá? Bo a pasa dushi dia
di bo aña? Masha pabien! Ku plaser nos ta pone atenshon den e
siguiente boletin. App un potrèt di bo mes òf di bo kolega ku a
hasi aña pa Marilu Vasilda (Ekstenshon 921) miéntras bo ta selebrá
bo/su aña. Lo bo mira esaki den e siguiente boletin. Pues koleganan
ku ta hasi aña atenshon; Ku plaser nos ta pone boso DEN
SPÒTLAIT!
Koleganan salú, kompania salú!
Bou di e lema ‘Bo Salú, Bo Responsabilidat’ KTK ta pone e aña
aki hopi atenshon na salubridat i bienestar di nan personal. Tur
luna lo organisá aktividatnan great i sorpresivo pa empleadonan i
lo kompartí tep di nutrishon saludabel. Pa e proyekto aki lo invitá
ekspertonan di paden i pafó di e organisashon, manera Rudolf de Wit
pa kompartí nan konosementu i eksperensia ku e personal i pa sirbi
komo fuente di inspirashon.
Stazjèr di Hulanda i Kòrsou.
Tim di Sòft-bòl ta den
Na mart a bolbe kuminsá ku e torneo anual di HOPE. E aña aki
Aqualectra un biaha mas ta anfitrion di e torneo di sòftbòl entre
kompanianan aki. Afortunadamente e tim di sòftbòl CPA/CPO/KTK di 30
hungadó, ku ta eksistí 25 aña kaba, ta den kontienda ainda.
Willis Heyliger, ku tin e funshon di Mènedjer i kapitan pa 20
aña kaba: ‘Den nos ‘pool’ nos a gana e tim di Blue Bay ku 15-6 i
lamentablemente a pèrdè di e tim di e kompania McDonalds ku 6-7.
Nos ta deseá nos koleganan éksito pa e siguiente weganan.
Kita sombré pa hubilario-nan
Anthony Adriana tin 20 aña kaba ta funshoná na CPA, komo
empleado di mantenshon di kran (medewerker onderhoud kranen). Su
hefe Bradley Isenia ta elogiá su kurashi i inisiativa. ‘Na
momentunan di interupshon grandi mi ta gusta yama Anthony pa
yudansa pasombra e ta asina profeshonal i kla pa resolvé kualke
problema.’ Anthony ta traha bon den tim pero individual por resolvé
problemanan tambe. Hóbennan por siña hopi di e forma proaktivo ku e
ta tuma akshon i ta keda bon na altura di desaroyonan nobo riba su
tereno di trabou.
kontienda ainda
E proyekto a sali for di e departamentu di Rekursonan Humano i
ta stimulá konsientisashon. HR Manager Girvin Eustatia: ‘Nos ke
prek hendenan henter aña pa pensa riba nutrishon i moveshon. Un
estilo di bida saludabel ta sòru pa empleadonan i un kompania salú.
Esaki ta nos meta final. Lamentablemente hopi hende no sa bon kon
nan ta haña supstanshanan nutritivo den nan kurpa i kon ta pará ku
nan kolesteròl, suku, (sobre)peso i preshon.’
Eustatia: ‘Ku informashon, edukashon i workshop nos ke pa nos
koleganan tuma mas responsabilidat pa nan propio salú i redusí e
kantidat di dianan di malesa (AO) i personanan ku a deskualifiká
temporalmente pa traha. Na inisio di nos proyekto den e siman di 12
di mart 2018 tur hende por a midi nan kolesteròl, preshon, nivel di
glukosa, i BMI (Body Mass Index). Despues di un temporada nos lo
ripití esaki. Asina nos por registrá bon si nos kampaña a duna
fruta.
20aña
-
Bou’i Brùg CPA
Riba 12 di mart 2018, 22 studiante entusiasmá di Miguel Pourier
Academy a hasi un bishita na CPA. E tinernan di klas 3 a haña un
rekorido na e kompania, por a tira un bista den e Vessle Control
Center na Fort Nassau i a terminá nan bishita ku un paseo den boto
den haf.
Miguel Pourier Academy (MPA), parti di Klein College, a start na
2015 i ta duna oportunidat na alumnonan di nivel VSBO, HAVO i VWO,
komo úniko skol sekundario na Kòrsou, enseñansa moderno na dos
idioma, Ingles i Hulandes. E skol ta organisá tambe hopi aktividat
práktiko. E bishita na CPA tabata parti di e
proyekto ‘Loopbaanoriëntatie en begeleiding’ pa kua e alumnonan
ta bishitá diferente kompania grandi manera CPA, Hilton i
Aqualectra pa mira kua profeshon bo por ehersé na Kòrsou i kua
preparashon básiko bo mester pa esaki. Segun Ilona Geurts, direktor
athunto di MPA, e alumnonan a disfrutá di
un bishita bon organisá i informativo. Geurts: ‘Na final di e
aña eskolar aki e alumnonan ta skohe un profil i pakete di vak
deseá, na kua nan ta pasa èksamen final i e bishita di trabou aki
tabata un bon preparashon den esaki.’
Alumnonan di bishita na CPA
Kima Palu di Pasku
Riba djabièrnè 12 di yanüari a sende e Palu di Pasku, ku durante
e temporada di Pasku tabata bria den e hal di resepshon na kantor
prinsipal di CPA. Ku esaki a habri e aña nobo ku èkstra entusiasmo.
Manera semper a kima e Palu di Pasku riba tereno di parker na CPA
durante un happy hour ameno ku empleadonan di CPA i CPO.
Alumnonan di Miguel Pourier Academy
Tim di Sòft-bòl ta den
Kita sombré pa hubilario-nan
20añaMichael Bishop ta traha 20 aña kaba na KTK, i a krese di
matros pa kapitan di toubot. Segun su hefe Luciano Coffie e ta un
empleado korekto i eksperensiá, ku ta kumpli bon ku su trabou i
koleganan ta balor’é pa su trankilidat natural. Coffie: Bishop por
ehersé tur tipo di asistensia na toubot i hóbennan por siña hopi di
dje kon e ta hasi maniobra ku su boto.
Komo organisashon CPA ta disponé di dos sertifikado di ISO ku
por konsiderá tambe komo un marka di kalidat internashonal. Esei ta
inspirá konfiansa serka klientenan pasombra bo sa ku un kompania
tin su kosnan na òrdu. ISO 9001 ta trese trankilidat serka
klientenan pasombra tur proseso di trabou ta kualitativo na òrdu i
ku pa e kompania e kliente ta para sentral. ISO 14001 no solamente
ta indiká ku e organisashon ta paga tinu riba ganashi pero ku e tin
interes den medio ambiente tambe.
Na CPA Uvin Inocente ta representá tim di maneho i ta dirigí e
ISO tim. Inocente: ‘Mi ta sòru pa CPA tin sufisiente rekurso pa
realisá e normanan severo di ISO i ta vigilá ku nos ta sigui kumpli
ku tur norma di ISO. Na aprel e tim di Audit di Hulanda tabata tei
pa kuater dia. Nos tabata bon prepará pa esei. Pa loke ta trata e
normanan di ISO nos kompania ta asina madurá kaba ku e normanan di
kalidat i di medio ambiente aki ta kompletamente integrá den nos
prosesonan di trabou.
Bon ehekushon di ouditorio di ISO
-
Bou’i Brùg CPATrintiseis rosa pa empleadonan femenino
Riba 8 di mart 2018 tur empleado femenino a risibí un dushi
desayuno i un rosa. Esaki tabata na honor di Dia Internashonal di
Hende Muhé. ‘Nos ta dediká tur aña atenshon riba e dia aki na kua
hende muhé ta para sentral, Arelis Hurtado, di e departamentu di
Relashonnan Públiko i komunikashon ta bisa. ‘Nos ta kontentu ku tur
talento femenino den nos organisashon i ku
plaser nos ta demostrá esaki.’
Arelis: ‘Na CPA ta traha hopi mas hende hòmber ku hende muhé i
nos kompania for di inisio semper tabata konsistí di gran mayoria
di hende hòmber. Den e mundu moderno aki nos ke pa e kantidat di
profeshonalnan femenino oumentá. Dia nos organisashon a inisiá
ofisialmente 36 aña pasá tabatin
apénas kuater hende muhé den servisio. Aktualmente tin
trintiseis hende muhé ta traha na CPA i CPO.
Gran mayoria di e koleganan femenino ta traha na Finansa,
Rekursonan humano, PR & Komunikashon i Sekretariado, pero den
profeshonnan netamente maskulino afortunadamente tin mas i mas
hende muhé ta hasi
intento pa ehersé e tipo di funkshonnan aki. Asina CPA tin un
kapitan di fèri femenino, un lots femenino, un kontroladó di
seguridat di haf femenino i un trahadó di seguridat femenino. Ta
spera ku den futuro lo bini mas hende muhé den e funshonnan
aki!
Na momentu di entrega di desayuno na algun di nos koleganan
femenino.
Resientemente 10 miembro di e tim di inovashon di CPA a
partisipá na e workshop di dos dia di e kompania Bèlgika
‘Innovation Board’ na Santa Barbara Beach Resort. Segun Urvin
Inocente, ICT-manager i lider di e tim di inovashon e workshop
tabata bale la pena. Inocente: ‘Komo tim multidisiplinario nos a
siña hopi tokante inovashon i a stipulá tambe nos propio meta di
inovashon i strategia pa e próksimo añanan.
Nos tim, ku representantenan di kasi tur departamentu di CPA, a
haña un tarea spesífiko di direktiva; Nos ta bai analisá tur
proseso di trabou i mehorá esakinan pa por funshoná mas efisiente i
komo tim nos ke introdusí despues ideanan nobo pa solushoná
problemanan eksistente. E sektor di nabegashon ta eksperensiá
mundialmente desaroyonan rápido i
drástiko. Pa keda al tantu nos mester intensifiká nos forma di
traha i ta mas inovativo.
Riba término largu nos lo tin idea i produktonan nobo pa nos por
sigui eksistí komo outoridat den haf. Riba término kòrtiku nos ta
dirigí nos mes riba mehorashon di nos prosesonan interno di
trabou. Einan por saka hopi benefisio for di dje. Nos miembronan
di tim ta manera embahador di inovashon. Semper bai nan ta wak den
nan mes departamentu kiko por mihó, mas rápido i mas barata. Nos ta
bini huntu tur kuartal pa interkambiá di eksperensia. Huntu nos ta
traha na ideanan inovativo na kua e organisashon kompletu tin algu
na nan.
CPA su tim di inovashon a kuminsá fuerte
E tim di e proyekto di inovashon
Kita sombré pa hubilario-nan
10añaEthelree Rellum tin 10 aña den servisio na KTK. El a
kuminsá komo matros. El a sigui e kurso di machinista i aworakí ta
alumno pa bira kapitan. Su hefe Rudolf Maria ta duna di konosé ku
Ethelree ta un trahadó duru i ta hasi su bèst. Ethelree ta un
kolega trankil i konfiabel ku no ta papia mashá pero ta duna bon
resultado di trabou.
-
Bou’i Brùg CPADen kòmbersashon ku Johan Woei, Inspektor di
Seguridat di Haf (Havenveiligheid Inspecteur) na CPO.
Kiko bo funshon ta enserá presis?‘Den esei mi por ta mashá
kòrtiku; supervishon i kumplimentu di eksigensianan di seguridat
internashonal i stipulá dor di nos gobièrnu. Kòrsou konosé 2
Inspektor di Seguridat di haf; Ferdinand Scheper i ami. Den nos
hafnan nos tin di haber ku barkunan nashonal i internashonal ku ta
drenta i sali nos hafnan i ta karga i deskargá. Esei mester tuma
lugá ku ménos rísiko posibel. Esensia di nos funshon ta bai tokante
garantisá seguridat di tur nos hafnan.’
Dikon e funshon aki ta importante?‘Nos funshon ta importante pa
seguridat di nos hafnan i awanan na nos kosta i minimalisá daño na
nos hafnan di posibel kalamidat. Nos ta traha ku un kódigo
internashonal pa supstansianan peligroso ‘IMDG’ (International
Maritime Dangerous Goods Code ) i ta kontrolá si tin supstansianan
peligroso bon paketá, stiwá na bordo di barkunan òf si a karga i
deskargá esakinan. Komo Polis ekstraordinario nos ta aktua na
momentu ku barkunan lokal i internashonal no ta kumpli ku e
eksigensianan di seguridat.’
Kua estudio básiko i konosementu bo funshon ta eksigí? ‘Bo
mester tin minimal un nivel haltu di skol di nabegashon i por traha
i pensa riba nivel di HBO. Komo
inspektor di seguridat di haf bo ta traha ku leinan Hulandes i
ta traha prosèsverbal. Si ta trata di barkunan, supstansianan
peligroso i sistemanan di seguridat bo mester sa tokante kiko bo ta
papia. Bo mester tin afinidat ku barkunan i ku leinan lokal i
internashonal.’
Kiko ta e reto di mas grandi di bo trabou?‘Mi trabou ta
sumamente dinámiko. Bo no ta sinta solamente tras di bo büró pero
hopi biaha bo ta físikamente okupá tambe na bordo di un barku òf
den haf. Na bordo di barku bo mester gatia i subi i komuniká hopi
ku hendenan di diferente kultura. Esei ta hasi nos trabou fasinante
i variá.’
Kuantu aña bo tin ta hasi e trabou aki kaba?‘Den nabegashon mi
tin mas ku 35 aña trahando i komo dosente mi ta duna lès pa 20 aña
kaba na skol di anochi di MTS i na e Kurso Maritieme
Officiersopleiding na FEFFIK. Na Amsterdam mi tabata lider di un
plug di un kompania di elektrisidat di e munisipio. Despues ku mi a
kasa ku un Yu di Kòrsou nos a bini Kòrsou. Mi a traha na polis di
haf (havenpolitie), komo hefe di servisio tékniko na Wardakosta i
komo ‘surveyor’ na Outoridat Marítimo di Kòrsou (Maritieme
Autoriteit Curaçao (MAC).)For di 2015 mi ta traha na CPO komo
inspektor di seguridat di haf.’
Kiko a kambia den e tempu ei?‘Nos trabou a bira mas kompleho dor
di leinan ku ta kambia i ku a renobá. Tin mas trabou di inspekshon
kompará ku ántes. Komo tèst arbitrario (steekproef) nos ta kontrolá
tur barku ku drenta i sali nos hafnan. Nos ta tuma akshon ora
barkunan ta shusha ku por ehèmpel zeta, residuo i awa balast
(ballastwater). Ta un funshon fasinante. Lo ta great si tin mas
inspektor yòn bini aserka.’
Komo inspektor di seguridat di haf kiko bo ta orguyoso di dje?
‘Ta hopi great ora bo por terminá un trabou ku bo tabata atendé
intensivo kuné bon. Durante e polushon di zeta na Jan Kok nos a
hasi hopi investigashon, tene entrevista i a pone e partidonan
konserní responsabel pa nan akshon. Nos a haña bon solushon i awor
ta kontrolá severo si ta kumpli di bèrdat ku tur e palabrashonnan
konkreto ku a hasi ku Ministerio Públiko. Esei ta duna hopi
satisfakshon.’
Pa ken e funshon aki ta apropiá? ‘Ta un funshon fantástiko. Bo
mester ta di bèrdat dediká i sa tokante kiko bo ta papia ora ta
trata seguridat. E ta un trabou di hopi responsabilidat. Den e
funshon aki bo no por tin dos pèchi bistí, pasombra seguridat ta na
promé lugá. Tur hende konosé nos riba e isla i tin biaha esei ta
nifiká aktua kontra di hendenan ku bo konosé.
Bo ke sa mas di...
‘Den e funshon aki bo no por tin dos pèchi bistí pasombra
seguridat ta na promé lugá’
Johan Woei, Inspektor di Seguridat
Kita sombré pa hubilario-nan
10añaJose Soliana tin 10 aña kaba den servisio di KTK, komo
konduktor di toubot. ‘E ta sali masha bon mes ku tur hende’, su
hefe Elton Cannister ta bisa. ‘Soliana ta hopi atento ku koleganan,
ta paga bon tinu riba su boto i ta atendé hopi kuidadoso ku
material di kompania.’ Cannister: ‘Su diario di nabegashon ta
semper na òrdu i bon yená i nunka ta lat na trabou. Esei otronan
por siña di dje. ‘
25añaGisela Celestina tin 25 aña komo empleado di achivo
(archief- medewerkster) na CPA. Su hefe Urvin Inocente ta apresiá
su dedikashon. Urvin: ‘Ku su sesenta aña Gisela por a bai ku
penshun pero tòg e ke sigui traha te ku su sesentiseis. Gisela sa
tur kos tokante e trabou di archivo. Si e no por haña algu
probablemente e dokumento no ta eksistí.’ Pasombra Gisela sa hopi
di e historia riku di CPA i e por yuda koleganan nobo mas yòn ku
semper ta buska ‘hard copy’ di dokumentonan masha bon mes.’
Kontinuá riba siguiente página >
-
Bou’i Brùg CPA
Bo mester por komuniká hopi direkto, ta skèrpi den bo reportahe
i ta semper íntegro.
Den bo funshon ku ken bo ta traha?‘Nos ta traha hopi djaserka ku
Ministerio Públiko (OM), Outoridat Marítimo di Kòrsou (Maritieme
Autoriteit Curaçao), Wardakosta, Ministerio di Salubridat Públiko,
Medio Ambiente i Naturalesa (GMN) i Ministerio di Tráfiko,
Transporte i Planifikashon Urbano (VVRP). Komo inspektor di
seguridat di haf nos parti di CPO (Curacao Pilots Organization) ta
kai dirèkt bou di Kapitan di haf (Havenmeester).
Kiko ta e balor agregá di e funshon aki pa haf i
nabegashon?‘Komo inspektor di seguridat di haf nos ta un ‘must’
riba nos isla. Seguridat ta na promé lugá. Den nos funshon ta bai
pa garantisá seguridat di nos hendenan, nos hafnan, barkunan,
fasilidatnan i awanan na nos kostanan. Imaginá bo un barku a drenta
nos haf ku supstanshanan peligroso i bo no ta tene supervishon pa
motibu di insufisiente kapasidat òf bo tin konosementu defisiente.
Si esei bai robes e por tin konsekuensianan katastrofal pa
Willemstad.’
Johan Woei, Inspektor di Seguridat
Bo ke sa mas di...Kita sombré pa hubilario-nan
20aña
Fardy Lard ta dispatcher i tin 20 aña kaba den servisio di KTK.
Promé ku el a bira ‘dispatcher’ e tabata pa años un bon manehadó di
boto, segun su hefe aktual Luciano Coffie. Coffie: ‘Lard ta semper
puntual i kouteloso den su trabou. E ta tuma inisiativa pa reportá
insidente i kosnan ku por mas mihó. Einan koleganan mas yòn por
tuma ehèmpel serka dje.
10aña
10aña
Giomar Damoen tin 10 aña kaba ta laborá na KTK komo matros na
servisio di toubot. Segun su hefe Luciano Coffie e ta traha bon den
tim i ta semper kla pa yuda koleganan. Coffie: ‘Damoen ta yòn i
positivo. Ora tin proyekto di mantenshon semper e ta mèldu su mes
pasombra e ke pa tur kos ta sigur i ta funshoná bon. Ku e aktitut
ehemplar komo trahadó aki e ta un ehèmpel pa otronan.’
5aña
Wendell Isidora ta traha 5 aña kaba komo empleado den servisio
tékniko na KTK. Rudolf Maria, su hefe tin hopi palabra di elogio pa
su trabou den téknika di las i ‘brantechniek’. Maria: ‘Wendell por
las i ‘schoonbranden’ hopi bon. E ta masha kuidadoso den esei. E ta
un kolega alegre ku por traspasá su konosementu di materia bon pa
otronan pasombra e konosé su materia bon.
25añaDesiree Osepa tin 25 aña kaba den servisio di CPA komo
empleado finansiero (financieel medewerkster). Su hefe Mirela Hook
ta apresiá su forma kuidadoso i ku presishon ku Desiree ta ehersé
su diferente aktividatnan laboral. Mirela: ‘Koleganan por aserká
Desiree semper pa pregunta. Semper e ta alkansá su ophetivonan i ta
trese bon idea dilanti den e tim. Koleganan yòn, ku ménos
eksperensia por tuma komo ehèmpel e forma sigur ku e ta ehersé su
funshon..
Harold Daniel tin 10 aña kaba den servisio di KTK komo matros di
toubot. Segun su hefe Luciano Coffie e ta un kolega ku ta traha
duru i ku semper ta na ora na trabou. Coffie: ‘Daniel ta hasi
tremendo trabou di mantenshon i ora yam’é e ta disponibel mesora.
Bo por konfia semper riba dje.’
-
Bou’i Brùg CPA
5aña
A batisá e ‘meerboot’nan na Chumaceiro Kade den presensia di mas
o ménos 60 kolaborador di CPA, CPO i KTK, Hunta di Komisario i
algun invitado selektá. Pa esaki madrinanan Sra. Conny Martina
Capriles, kasá di Minister di Desaroyo Ekonómiko, Sr. Steven
Martina, i Sra. Audrey Chong Aloi, partner di Sr. Irving
Moenir Alam, Presidente di Hunta di Komisario di grupo di CPA, a
kibra dos bòter di shampaña eksklusivo riba tur dos kabes di e
‘meerboot’nan. Manera ta tradishon a deseá tur pasahero un biahe
sigurá.Segun Stroop e ‘meerboot’nan tin hopi paresido di esnan ku
nos tabatin promé
pa loke ta e forma i konstrukshon; ‘Nos tabata hopi kontentu ku
e forma i profundidat di e ‘meerboot’nan bieu, ku nos mester
remplasá aworakí. Apesar ku normalmente nos ta laga traha nos
botonan serka Scheepswerf Damen, a bestèl e ‘meerboot’nan aki serka
astiero ‘J.Schlieker en zonen BV’ na Dordrecht
pasombra Damen lamentablemente no por a entregá e konstrukshon i
midínan ku nos tabata ke mas.’ E botonan aki no solamente ta
importante pa nos futuro pero nan ta hasi ménos zonido, ta mas
konfortabel, tin mas forsa i ta mihó ekipá ku e aparatonan tékniko
di mas moderno.’
Dia 11 di yanüari 2018 a batisá 2 ‘meerboot’ nobo di KTK ku
shampaña skumante i a inougurá esakinan ku zonido di kañon di
kònfeti. Un evento
impreshonante, segun Quinton Stroop, SHE-Q – Kordinadó na KTK,
ku huntu ku Xiovanca Girigori i Charnalis Jansen tabata responsabel
pa e fiesta
di boutismo. Stroop: ‘Ku e ‘meerboot’nan nobo aki, ku ta hiba e
nòmber di Pushy Cats tambe, nos ta bon prepará pa trabounan èkstra
ku nos ta spera
di haña den futuro dor di por ehèmpel ekspanshon di Damen
Shiprepair Curaçao.
Espektákulo boutismo di e ‘meerboot’nan NC-5 i NC-6
Espektákulo boutismo di e ‘meerboot’nan NC-5 i NC-6
