UNIUN SPORT AMATORIALA SAN ĆIASCIAN · Uniun de volontariat DPJP 133/1.1 – 17.07.98 39030 San Ćiascian, str. Plan nr. 59 (BZ) Cod. fiscal 92019240214 – tel. 338/1807080 Relaziun

UNIUN SPORT AMATORIALA SAN ĆIASCIAN posta: str. Costadedoi nr. 45 [email protected] Uniun de volontariat DPJP 133/1.1 – 17.07.98

39030 San Ćiascian, str. Plan nr. 59 (BZ) Cod.fiscal 92019240214 – tel. 338/1807080

Relaziun ativité 2015

L’Uniun dl Sport amatoriala San Ćiascian á tratan l’ann 2015 porté inant l’ativité

ordinara de promoziun sportiva y dla gestiun de infrastrotüres sportives.

Cursc da ji cui schi d’invern

Fora por l’inver él gnü metü a ji in colauraziun cun la scola de schi i cursc invernai de

schi livel mesan. I mituns che á tut pert è jüs tratan l’invern vigni sabeda dales 10 ales

16 cun i schi acumpagnà dai maestri. L’program d’insegnamënt è sté desvalì y à dër

plajü ai partezipanć.

La gara dl paîsc

La dumënia 12 de aurì 2015 él gnü metü a ji la tradizionala gara dl paîsc ruvada a

süa XXIII. ediziun. 104 è stà i scrić ite. La gara de slalom lerch è gnüda tignida sön la

pista Ćiampëi al Piz Surega.

L’miù tëmp de gara è gnü fat dal maester de ski Pezzedi Ivo che à architè le

cronometer sön 27,25”. Atira ia dedô cun 27,31” al secundo post Dalpiano Sergio y

al terzo post Sopplà Aaron cun 27,33”. Tla categoria femminile à la jona Clara Milena

fat le miù tëmp de Gara cun 28,75”. Pedratscher Noemi à vadagnè tla categoria

cuarta y cuinta elementara cun en tëmp de 33,42”. Tla categoria ëles à vadagnè

Pizzinini Gisella cun en tëmp de 32,66” dan da Rudiferia Ulrike y Tasser Alma.

L’apuntamënt sportif è ince en dè de cumpagnia ulach tröpes families è ruvades

adüm por ji ciamò en iade deboriada cui schi. Sambëgn che prò la gara él düć se

prô dassën por fà en bun tëmp de gara. Atleć y atletes de uniuns sportives, maestri

de schi che d’invern è jüs tröp cun i schi y/o che à fat alenamënt y gares se

tlassifichëia scialdi ti mius posc y po’ insciö piè dô copes y medaies dala premiaziun.

La gara dl paîsc cun la cëna da sëra né però nia ma “competziun” mo suradöt

cumpagnia, amicizia ulach mituns, jogn, manco jogn y families rüva a düm a sla

cuntè. Insciö èla ince stada dales 18:30 inant tla Ćiasa Janbatista Rinna ulach le staff

dl Hotel Armentarola à arjignè cà por düć na bona cëna. Dedô él gnü fat la

premiaziun y surandè i pesc y les copes.

Le prüm dl trofeo familia 2015 è gnü vadagnè dala familia de Ploner Otto y Rudiferia

Ulrike. Le secundo post è gnü surandè ala familia de Pezzedi Ivo y Pizzinini Gabriella.

Le terzo post à podü piè dô la familia de Pedratscher Ivan y Pescollderungg

Michaela.

L’bel tëmp, pistes te condiziuns otimales, na bela cumpagnia y na cëna deboriada

à insciö stlüt jö la XXIII. gara dl paîsc da San Ćiascian.



Cursc tles palestres

Suradöt le publich feminil se à damané l’organisaziun de cursc desvalis por ativités y

movimënt metü a ji in gran pert tla palestra dla scola elementara a San Ćiascian.

I omi à metü a ji en program sportif tla palestra a La Ila.

Istè: ćiamp dl sport y ativités estives

Cun le mëis de lugio à l’uniun sport daurì les portes sö dal ćiamp dl sport sura paîsc.

En punt d’incuntada suradüt por jogn, mituns, families y ince val ghest. Les atraziuns

dla “scolina salterina” plej suradüt ai pici. L’anuzamënt dl ćiamp da palé è ince ti

ultimi agn chersciü dassën. La gran pasciun di jogn por l’mumënt è le “beach-volley”

che ince giulan ala ativité y promoziun da pert dl’Uniun Sport La Ila à fat crësc

dassën chësc sport che plej tres deplö. In chësc istè anse ince pité l’atraziun di jüc

dla “scolina salterina” tl zënter de paîsc sön plaza dla scola.

L’bel tëmp fora pur düt l’isté à ince daidé por na bona afluënza sön le ćiamp dl

sport. Por i mituns dles scoles elementares y mesanes él gnü metü a ji en curs cun

Manuel Gravino.

Uniun Sport Amatoriala San Ćiascian

Thomas Pescollderungg





















Documents

UNIUN SPORT AMATORIALA SAN ĆIASCIAN · Uniun de volontariat DPJP 133/1.1 – 17.07.98 39030 San Ćiascian, str. Plan nr. 59 (BZ) Cod. fiscal 92019240214 – tel. 338/1807080 Relaziun