MARIEDDU MÀSALA / REMUNDU PIRAS / …. Màsala (43’’) Mi naras chi sos brios ch’as ispesu antzis, pares, Remundu, ’e malumore. Ma istanote contas su mazore e su postu ’e

MARIEDDU MÀSALA / REMUNDU PIRAS / FRANTZISCU MURA

Gergei, su 16 de Austu de su 1969

2

Gergei 1969 MARIEDDU MÀSALA - REMUNDU PIRAS - FRANTZISCU MURA

ESÒRDIU

1. Màsala (57’’)Cummemorende, Gergei, ses oes’Assunta in chelu che Nostra Signora,sa chi cun Cristos fizu sou eroedivinos sun in tot’una dimora.E poi chi che manchia dae oratorro a posta po su sessantanoe.Fina in disizu de ti bier fia,e ti rinnovo un’istrinta ’e manu mia.

2. Piras (1’02’’)E gai dae nou so torradu:o bene o male cust’àtera ‘ia.Ma a crês chi cando mi che so andaduchi ch’essera torradu non creia.Deo no nd’isco si m’as invitadupo t’aer deo fatu simpatia.Ma o goi o gai ja chi acudo:nessi s’ùltima ’olta ti saludo.

3. Mura (58’’)A da chi fia in sa minore edadeuna ’olta in Gergei apo cantadu.Però mi so de s’annu ismentigaduca tempus nd’at passadu in cantidade,ma menomale mi so ammentadu:chi che fia a sa festa ’e s’unidade.Oe che torro pro sa mama ’e Deu,gratu bos siat su saludu meu.

3

4. Màsala (46’’)Si ch’’enis pro sa mama de Gesusucusta est una festa ’e impoltàntzia.E ja chi semus de su palcu susuin poesia isperamos bundàntzia.Ma calicunu peldet s’isperàntzianende: “A inoghe no torro piusu”.Ma si podet torrare a custu logu,no ch”etemus sas jaes in su fogu.

5. Piras (59’’)Nachi est sa festa ’e sa mama ’e Gesusue-i sa zente l’at tota a iscasciuca nachi at tentu unu pitzinnu masciumilli e otighentos e piusu:ma issa ch’est in chelu tropu susue nois ja nde semus tropu in basciu.Che mama ’e su Signore nos cumpatitperò sa ’oghe nostra no b’imbatit.

6. Mura (53’’)Deo che fia cando fia rudee Gergei no si lamentaiat.E nois duos in sa zoventude,Màrio, semus, e gai sempre siatma Remundu torrare che cheriatperò no lu permitit sa salude.Si che l’anderat su male contràriuja che diat torrare volontàriu.

4


7. Màsala (43’’)Si ch”enimos ch’’enimos pro sa festae faghet piaghere dogni tantu.E si nos ana fatu richiestaaman sa poesia in sardu cantu.Ma no ch’’enimos pro visita mesta,no si bidet ne lutu ne piantu.Cheren intender a nois cuntentose lassàdemi istare sos lamentos.

8. Piras (53’’)Oe mi naras chi ja ses cuntentue a piaghere tou naras gai.Deo ja solo ’ogare unu lamentuproite so in pena e in guaia narrer chi no mi so ’idu maicun allegria de altu portentu.Tue ja ses allegru e be-i creoma no chelzas chi gai sia deo.

9. Mura ( 50’’)Màsala, jughes nóbbiles talentos,ses gióvanu e no ses a pesa-rue.Ti che l’isbrigas in sos argumentos,cantas de mare, de terra e de nuema sos ch’iscultan a fagher cuntentosno b’at bisonzu ’e mi lu narrer tue.A tie no t’an postu a m’ispronaretantu so ’énnidu a los cuntentare.

5

ESORDIU

10. Màsala (43’’)Mi naras chi sos brios ch’as ispesuantzis, pares, Remundu, ’e malumore.Ma istanote contas su mazoree su postu ’e onore ti amos resu:a l’’ides chi ti nd’amos postu in mesue finas cussu ti faghet onore.Nessi istanote allegru istare podesin mesu ’e duos ànghelos custodes.

11. Piras (56’’)Ja la creo allegrare chi mi potaca sezis duos bravos campiones.Però no mi fatedas una lotaca no chelzo a mi pungher sos isprones.Ja so in mesu che in su Golgota,che Gesucristu cun duos ladrones.Deven assimizare sos cuadrosca so che Cristos in mesu sos ladros.

12. Mura (51’’)A fagher un’iscàndalu nieddus’ocasione paret tropu istrana.Non creo ch’apas su coro a tochedduoe chi ses in edade antziana:deo, Remundu, a pungher no apo ganasi ja ti cheret pungher Marieddu.Tue pro cussu miradilu fissu,da chi ti punghet agiùstadi a issu.

6


13. Màsala (43’’)S’assimizas cuadru e iscenàriu,Remundu, mancu errore no as commissu.Però s’inoghe ses in su calvàriue comente Gesusu crocifissuja deves esser bonu che a Issue-i sos ladros sun Frantziscu e Màriu.Però ca as faeddadu de ladronesisperamos a mie chi perdones.

14. Piras (56’’)Oe pensas po sos pecados tuose lamentare no ti des in donu.Si comente sos ladros ja fin duose fiat unu malu e unu ’onu,unu at nadu sos pecados suose Cristos bi l’at dadu su perdonu.Bisonzu tue chi s’ànima abbelzase s’as fatu pecadu mi lu nelzas.

15. Mura (53’’)A ue cheres, Remundu, la jughedadu chi su calvàriu as chilcadue totu s’iscenàriu as cantaduue s’est bida sa divina lughe.Ma a mie, as bidu, mi nd’an postu in rughesena cummiter perunu pecadu.E fagher no nde poto àteru pàrrereca no tenzo pecados de ti nàrrere.

7

ESORDIU

16. Màsala (43’’)Remundu, airadu e mesu tristucantu mi pares dimoralizadu. Ja ses in mesu e no ses cundennadupoi mancari ’onu ses trassistu.E deo no acuso unu pecadu,non so ladrone ne ch’est Gesucristu.S’esseras ómine de samben ebreuperò ses pecadore e frade meu.

17. Piras (53’’)Ello, mi naras chi so pecadoreca so frade e a tie so acanta.Abbàida sa zente in chida santa,sa chida chi incravan su Segnore:andat a cunfessare totacantae narat su ch’at fatu a su retore.E isse est che a nois, pensa igue:gai matessi podes fagher tue.

18. Mura (53’’)Ma deo so ’e diversa opinionee no sigo cun bois cussa via.Iscultende una populatzionech’at pro sa festa de Santa Mariae inoghe no semus pro confessione,pro fagher una gara ’e poesia.Como ses in su palcu e tando canta,ja t’as a cunfessare in chida santa.

8


19. Màsala (42’’)Sa chida santa no est una festas’a cunfessare sa zente andat sola.Ma sa cultura ’e Remundu est modestaca si comente at fatu paga iscolae no giughet sa chìriga in sa testane in sa manu si bidet s’istola.S’aispetas a mie ja istas friscu,si petzitantu acusat Frantziscu.

20. Piras (51’’)Beh, si bos cunfessades no est dannu:antzis, pensade de bos cunfidareca deo nessi una ’olta in s’annuand’in Carésima a m’imbenujare.Ma forsi as unu pecadu mannue ses timinde ’e mi lu cunfessare.Ja l’isco sos pecados chi bi sunuperò de cussos nde faghet dognunu.

21. Mura (57’’)Narat chi no acusat Marieddu,ma persuasu non so e siguruca podet acusare in su futuru,in crisi podet ruer su chelveddu.Ma si ti pones s’àbbidu nieddutzeltu mi dia cunfessare purupecados a sa legge cristiana:però pónedi prima sa sutana.

9

ESORDIU

22. Màsala (42’’)Pecamos tutucantos sos umanose sos segretos los amos in sinu.Si m’atoperas ti fatu un’inchinuchi est rispetu pro sos pilos canosma no beto su ’enuju a su terrinu,nemmancu jungher mi poto sas manos.E sos pecados ch’apo intro su sacua los narrer a tie no so macu.

23. Piras (54’’)Ma cando an s’adultèra presentadua Cristos, sos ebreos totu in rissa:‘Ite nde naras tue’?, l’ana nadu:‘custa sa grande culpa l’at cummissa’.‘Chie de ’ois est chena pecadubetet sa prima pedra subra a issa’.E-i custu Gesu Cristu l’at connotu:cheret narrer pecados nd’amos totu.

24. Mura (57’’)Cunfessat cussos a da chi fin biose dadu sa senténzia at gasie.S’a-i cust’argumentu foltza e briosli aggiunghimos, ascultes a mie:mi chi a ti narrer sos pecados miosóbbligu no bi at, Remundu, a tie.Non devo narrer chi so pecadore e non ses mancu giudice istrutore.

10


25. Màsala (43’’)Remundu, ite arratza ’e galateoch’as su segretu ’e Cristos iscupridu.Su postu ’e mesu no ti nde lu leoube che mannu ti che ses setzidu.De Gesucristu poto fagher deopro chi s’edade sua apo cumpridu.Tue nd’as trintaduos de piusu:ses tropu ’etzu a fagher de Gesusu.

26. Piras (55’’)Deo so ’etzu, no mi leo a gioguca tenzo de sa vida isperiéntzia.A dare sempre a un’ànima isfoguest a illebiare sa cusséntzia,e deo nde so meda a connoschéntziachi pecados bi nd’at in dogni logu.Cuare po supérbia no lu chelzas:si l’as cummissu est mezus chi lu nelzas.

27. Mura (52’’)Chi nd’’oghen sos pecados dae s’internuno est, Remundu, volontade mia.Tando ses tue su Cristos modernu:ancora, Marieddu, no l’ischia.Ti ses postu a su postu ’e su Messiae tando, Piras est su Babbu Eternu.Si bene nde faghimos analizu:iss’est su babbu e tue ses su fizu.

11

ESORDIU

28. Màsala (43’’)Remundu, no ti ponzas a istragu,chi ti ses dende impoltàntzia ’ido.Sas legges santas mai las olvidoperò a cheja b’ando sempre pague si leo de chera su fiaguti juro chi mi fuo e no mi fido.Duncas a mie no creo chi resesses:si petzitantu a Frantziscu cunfesses.

29. Piras (52’’)Ponide mente a su meu consizu,no bos lêdas d’iscrédulos su ’antuca timides a Deu cant’e cantusi de inteligéntzia azis aizu.Mura narat chi so babbu e issu fizue tando Mura est s’Ispìridu Santu.Si la faghimos goi s’unidadeja istat bene, ja, sa trinidade.

30. Mura (51’’)A mie puru su tìtulu as daduma no so prontu a ti l’atzetare.Ch’issu a cheja no b’andat at nadu,custu no bi lu poto dennegare,e da su die chi mi so isposaduso deo sena mi cuminigare.Cando nde faghes su càlculu, cre’, a cheja b’ando pius pagu ’e te.

12


31. Màsala (40’’)Si esseras bistadu unu Deuin su palcu podias fagher prou.Però no ch’amos unu Deus nou,ripeto: no as sàmbene ebreu.A mie at consizadu babbu meue poi deo no so fizu tou.Unu consizu ’e babbu lu preferzodae babbos anzenos no nde cherzo.

32. Piras (48’’)Eo non chelzo esser babbu tou,nemmancu narrer fizu ti cheria.Naras chi babbu ja nd’as un’ebbiaperò no mi nde podes dare prou.Mama tua si cussu est babbu toul’ischit soltantu, po sa palte mia.Tue no l’as a cherrer su consizuperò no ischis de chie ses fizu.

33. Mura (56’’)Cando una frase est nada in bellu grabbusi nde cuntentan minores e mannosperò est feu a ruer in disgabbuca aumentat dolore a sos afannos.Deo, Remundu, est pius de set’annos,ti fat’ischire, so diventadu babbu:e da chi conto babbu e duos fizosa àtere dare nde poto ’e cunsizos.

13

ESORDIU

34. Màsala (47’’)Remundu, no mi ponzas in fastizuca si no mi nde paret finas malee rispeta sa palte paternaleda inube ap’apresu ogni consizu.Ja mi poto de babbu ’antare fizuca tant’a issu so talecuale.Signu chi li so fizu veramenteca a babbu meu no so diferente.

35. Piras (41’’)(No) Babbu tou no cantat mancu a prou,pagu ti l’assimizas mancu a neue de chie ses fizu l’ischit Deu,permiti chi ti nelza dae nou.Tue ti ’antas chi ses fizu souma no s’ischit si sias fizu meu.Pius de m’esser fizu ja ti creoprite guasi ja cantas che deo.

36. Mura (45’’)A dognunu sos sentimentos suos,est bellu a la sighire rie-rie.Però, como, Remundu, intende a mie:ja l’isco, sos sentidos no as cruosperò mi deves narrer fizos tuosprite no cantan comente a tie?Rispóndemi cun géniu e caràtere:tando sun issos sos fizos de àtere?

14


37. Màsala (45’’)S’esórdiu ch”ogamos dae programae lu finimos in modu giocundu.Ja l’isco chi poeta ses profundue no tenimos sa matessi fama,ma si mi l’asseguras. o Remundu,cando che torro a bidda ’oco a mama.Ma no cantiat mancu babbu toue tando tue no ses fizu sou.

38. Piras (41’’)E como babbu ‘e ‘ois no mi creo,m’abbizo chi bos sezis ofendinde.Ma sas ofesas male no mi leotantu ogni die ja nde so ’idinde.Primu-primu bos l’apo nadu deoe como mi lu sezis rispondinde.Deo in su postu meu b’isto frimu:puite no mi l’azis nadu primu?

39. Mura (53’’)S’an oldinadu a fagher finimentufinìmula cun bona volontadeca b’amus de isvolger s’argumentuue s’’idet sa nostra abbilidade.Caru Remundu, nde sias cuntentu:ti namos babbu ca tenes s’edade.Cand’in palcu cun nois pones pesti namus babbu ma babbu non nos ses.

15

ESORDIU

16


Documents

MARIEDDU MÀSALA / REMUNDU PIRAS / …. Màsala (43’’) Mi naras chi sos brios ch’as ispesu antzis, pares, Remundu, ’e malumore. Ma istanote contas su mazore e su postu ’e