Upload
melenig
View
80
Download
3
Embed Size (px)
Citation preview
Geriadur an dud a bluenn Pajenn 29
Anvioù a vanke el
levr kentañ
- A -
AUDO, Gabriel
Biel Aodoù (Bubri 29-05-1908/Persken 17-01-1983)
Saver pezhioù-c'hoari. Mab da Loeiz
Aodoù ha da Vari Bolay. Evel e vreur
henañ ez eas Biel da Gloerdi bras Gwened
hag e voe beleget d'an 08-07-1934. Tremen
a reas bloaz e S.Teve evel rener skol a-raok
bezañ kaset da Lannejenn da gure (1935). E
deroù ar bloaz 1949 e voe anvet da berson
Persken e-lec'h ma varvas 35 bloaz
diwezhatoc'h.
Sevel a reas un nebeud kanaouennoù hag
ivez, er bloavezhioù 1950, pezhioù da
vezañ c'hoariet gant tud e barrez. Lod eus ar
re-mañ a zo bet moulet war an Doéré goude
e varv.
Kenlab.: DOER : Kanenn Bro Persken ; Er bed e
chanj 47/1993 (kan
En dén bouar ba'ti er médesinour Me
moerebig 56/1995/2 - 31 (c'hoari).
Dave.: DOER : 52/1994/15 ; S.R.Gwened 02/1983.
- C -
COLIN, Charles Justin Jean
Charles Yustin Yann Kolin
(Fontenay-aux-Roses (92260) 10-12-
1851/??)
Ganet e oa bet Charlez Kolin e Fontenay-
aux Roses (Bro-C'hall) e-lec'h ma oa e dad-
kozh maer ar gumun. Mab e oa da Charlez
Kolin ha da Irma Ujinia Deleine.
Ober a reas e studi e Pariz hag e c'hounezas
e zoktorelezh war ar vezegiezh, e 1877,
gant un dezenn war skejadenn ar stomog.
Kavout a reomp anezhañ e Kemper er bloaz
1898. Edo, er mare-se, pennvedisin war ar
c'hleñvedoù-red evit pastelloù-bro Kemper
ha Brieg. Mirout a reas ar garg-se betek
1921 da nebeutañ.
Koll a reomp e roudoù goude-se ha n'hon
eus ket kavet e anv war varilh mortuajoù
Kemper eus 1921 da 1933.
Levr : Ar mod da zioual kear euz ar c'hlenvejou
stagus (dre an aotrou Colin medicin e
Kemper)
Kemper, e ti A.Jaouen, 1901, 16p.
CREFF , Hervé Marie
Herve Mari Kreñv Ar Beachour, Greff, Eguile
(Gwikar 13-07-1896/Landerne 21-01-1990)
N'hon eus ket kavet kalz a ditouroù diwar-
benn Herve Greñv. Mab e oa da Wilherm
Greñv ha da Frañseza Boderioù,
labourerien-douar e Kerivin, e Gwikar.
Dimeziñ a reas gant Anna-Vari Tomaz, e
Gwikar, d'an 20 a viz Gwengolo 1926.
War-lerc'h ar brezel e taolennas, er
gelaouenn Kroaz Breiz, an doare-bevañ war
ar maez, damdost da Landivizio, e deroù ar
c'hantved-mañ.
Kenlab.: KROB : Ar veilhadeg e Kerwenn, wardro
ar bloavez 1900, 9/1949/11 Gwechall e
Kerwenn... ha breman 26-27/1950/17.
Dave. : Dielloù ti-kêr Gwikar.
Geriadur an dud a bluenn Pajenn 30
- D -
DAHELLOU, Henri
Herri Daheloù
(XIVvet
kantved)
Adskriver en eskopti Kemper. Lezet en
deus ur frazenn diechu e brezhoneg-krenn
en ul levr savet e latin, diwar-benn reolenn
urzh Karmez, eilskrivet gantañ er bloaz
1360 : Nep na ra mat her dra guieli dezo.
Ar frazenn-se a zo bet kavet gant Anton
Tomaz e 1918. Posupl eo bet, a-drugarez
d'ur gavadenn all, graet gant Léon Fleuriot*
war-dro 1960, adsevel ar frazenn en he fezh
: Nep na ra mat her dra guel / dezouf beh
unan be fel. Da lavarout eo e brezhoneg
bremañ : Nep na ra mat endra c'hell /
Dezhañ e-unan eo fell.
Dave :
Arzel Even, Istor ar yezhoù keltiek; Chr.-J.
Guyonvarc'h: Le Catholicon de Jehan
Lagadeuc, Roazhon, 1975, p.LXXIX;
ABKE: Eost/1963/138; ECL :X/167 hag
XI/158.
DANIEL, André Yves Marie
Andrev Erwan Vari Daniel
Erwanig
(Lannuon 14-09-1902/Pariz (75017) 18-03-
1989)
Stourmer war an dachenn sevenadurel. Mab
e oa da Erwan Vari Daniel, eus Peurid-ar-
Roc'h, ha da Vari-Frañseza Person, eus
Benac'h, baraerien e Lannuon.
Tapet gantañ e vachelouriezh war ar
skiantoù e Lannuon ez eas da Ensavadur
Kimiezh Pariz, e 1924, e sell da vezañ
ijinour. Er skol-se an hini eo e reas
anaoudegezh gant Herve Mazhe* a zeuas da
vezañ e vignon hag e genstourmer e
Strollad Ar Vrezhonegerien (S.A.V.) e
Pariz. Pa voe krouet ar gelc'hgelaouenn Sav
(1936) e voe Andrev Daniel ar sekretour
hag ar merour anezhi adalek ar pempvet
niverenn (goañv 1937) betek ar fin
(nevezamzer 1944). Mont a reas reizh an
traoù betek ar brezel. Neuze e krogas ar
boliserien da heskinañ anezhañ, eñ hag e
vignoned. E miz Here 1939 e voe furchet-
difurchet e di hag e voe kaset gant ar
boliserien e holl levrioù brezhonek hag ivez
levrioù ar c'hontoù. E nevezamzer 1940 e
voe serret Kêr-Vreizh, ul lec'h krouet straed
Sant-Plasid e Pariz gant ar vrezhonegerien
evit o bodadegoù, ha lakaet ar sielloù war
an nor. War un dro e voe nac'het outo
kenderc'hel da embann Sav hag anv e oa da
"zastum" ar renerien, Mazhe ha Daniel, evit
serriñ anezho e-barzh ur c'hamp. Saveteet e
voent gant an arsav-brezel ha gallout a reas
ar gelaouenn bezañ moullet adarre.
War un dro e roe Andrev Deniel kentelioù
brezhonek e Kêr-Vreizh. Ar re-mañ, priziet-
bras, a zo bet moullet gantañ e 1942 ha
1944.
Labourat a reas a, Deniel, e-pad ar brezel,
evel ijinour-merour, e ti Vernol, en
Argenteuil (95100). N'ouzon ket re ar pezh
a reas goude-se. War hon eus klevet ez eas
da labourat da Vrazil ur prantad kent
distreiñ da Bariz da vevañ war e leve.
Dall e oa e fin e vuhez hag en em lazhañ a
reas, an deiz ma varvas e wreg, Anna
Isnard, evel m’en doa prometet en a-raok.
Levr.: Premier cours de breton, Emb. Ker-Vreiz,
Pariz, I.C.A., Brest, 1942, 265 x 215, 68 p.,
eil moul. Emb. Armorica, I.C.A., Brest,
1944, 66p.
Kenlab.: SAV: Jili an tort 4/1936/15 Yer giz
nevez 31/1944/25.
LLMM: E koun Herve Maze 96/1963/42.
Dave.: LLMM 96/1963/33 ; LANV : 82/1998/21 ;
Abeozen p.140.
DAVID, Jean Joseph
Yann Jozeb David
Jerom ar Born
(Tregourez 25-01-1841/Tregourez 24-02-
1891)
Goude bezañ bet beleget (1866) e voe kaset
da gelenn ar jedoniezh ha, goude-se, an
Geriadur an dud a bluenn Pajenn 31
helavarouriezh e Skolaj Pontekroaz. Er
bloavezh 1879 e voe fiziet parrez Beuzeg-
ar-C’hab ennañ e-lec'h ma chomas betek
miz Genver 1891 pa roas e zilez. Klañv e oa
d'ar mare-se moarvat rak mervel a reas, ur
miz diwezhatoc'h hepken, e Tregourez, e
barrez c'henidik, e-lec'h ma oa aet da
ziskuizhañ.
Levr.:
Disput etre Jakez Lamrog ha Ian an
Digariou, renket gant Jerom ar Born, Ti-
moul. J-B. Lefournier Henañ, Brest, 1872,
56p.
Dave.:
Dielloù eskopti Kemper.
DIVANAC'H, Marcel Pierre Marie
Marsel Pêr Mari Divanac'h (Leskonil-Pornaleg 07-08-1908/Pont-'n-
Abad 19-09-1978)
Saver danevelloù. Bet ganet e Menez
Meilh, e Leskonil. Mab e oa da Gaourintin
Divanac'h, pesketaer, ha da Vari ar C’hozh.
Pa oa bugel e tarempredas ur miliner kozh a
gontas dezhañ meur a varvailh na voent
ankounac'haet biken gantañ. Kuitaat a reas
skol e vourc'h, e 1921, evit mont da Gonk-
Kernev d’an E.P.S. (Skol gentañ uhel), ha,
goude-se, da Skol-vistri Gemper. Anvet e
voe da skolaer e Penmarc'h da gentañ ha,
goude-se, e Sant-Yann-Drolimon e-lec'h ma
chomas ouzhpenn ugent vloaz. Dimeziñ a
reas gant Marc'harid Bizien, d'ar 04-04-
1931, e Pornaleg. E Sant-Yann-Drolimon e
reas war-dro ur c'helc'h keltiek hag ur
skipailh-sport krouet gantañ evit e skolidi.
Rener skol e voe ivez e Brest a-raok mont
da vevañ war e leve e Pont-'n-Abad.
Lakaat a reas dre skrid ar c'hontadennoù bet
klevet gantañ en e yaouankiz hag un ti-
embann a savas (Emb. ar miliner kozh) da
embann e levrioù skrivet en ur yezh
rannyezhel-kenañ. Ofiser an Akademiezh e
oa Marsel Divanac'h.
Levr.:
Contes et souvenirs de Cornouaille
(divyezhek), Emb. ar miliner kozh, Brest,
1971.
Ar medisin eneb dezañ (divyezhek), Emb.
ar miliner kozh, Brest, moul. arnevez, Sant-
Brieg, h.b., [1973 ?], 35p.
Ar garantez medisin (divyezhek), Emb. ar
miliner kozh, I.C.A. Brest, h.b. [1974], 35p.
Loup de mer, son fils bachelier et le fayot
rouge (divyezhek), Emb. ar miliner kozh,
Brest, 1973, 158p.
Ar moroc'h fougaser (divyezhek), Emb. ar
miliner kozh, Brest, 1973, 18p.
Thumette bigoudenne (divyezhek), Emb. ar
miliner kozh, Brest, 1974, 254p.
Kenlab : BRUD : Tomazig ha Mahi 2/1957/87 Ar
verh nevez dreset 7/1959/84.
BLBR : Abardaez ruz 221/1980/33 (dalif)
Dave.:
Annuaire des 10000 Bretons, p. 522.
DONNIOU, Guillaume Marie
Lomig Mari Donnioù
(Plounevez-Kintin 22-12-1903/Rostrenen
15-07-1986)
Kaner pobl bet ganet e kêriadenn ar
Golledig e Plounevez-Kintin. Mab e oa da
Bêr-Mari Donnioù ha da Vari-Anna-Loeiza
Moazan. E 1948 e tigoras un davarn e
Rostrenenn, straed Sant-Brieg, Le Lion d'Or
hec'h anv, a zeuas da vezañ, a-drugarez
dezhañ, un doare kreizenn sevenadurel,
lec'h-emgav holl dañserien ha kanerien ar
c'horn-bro. Chom a reas dizimez e vuhez-
pad.
Lomig Donniou a voe ezel oberiant Kelc'h
Keltiek Rostrenenn, prezidant anezhañ eus
1954 da 1972, ha brudet-bras e oa er festoù-
noz evel kaner ha koroller.
Un niver bras a werzioù, anavezet gantañ, a
zo bet enrollet war bladennoù. E dibenn e
vuhez e voe embannet un nebeud skridoù
gantañ e-barzh Brud Nevez.
Kenlab.:
BRUN : Doni Done, setu noz ar bloaz
nevez 60/1982/15 Toull ar bleiz
85/1985/9.
Geriadur an dud a bluenn Pajenn 32
Dave.:
Lizher person Plounevez-Kintin ; AMGZ :
353/1999/52
- F -
FLOC'H, Yves-Marie
Youenn Vari Floc'h
(Plougerne 24-05-1906/Douarnenez 12-08-
1990)
Livour impresionist. Mab da Frañsez
Floc'h, labourer-douar er C’harrbont e
Plougerne ha da Frañseza Bodenez,
kannerez. Advabet e voe gant ar Stad c’hall
d'e 14 vloaz
Yann-Vari Perrot* an hini eo a verzas
donezon ar paotrig evit an tresañ hag e aliañ
a reas da vont da Roazhon, da Skol an
Arzoù-kaer (1927-28). Goude-se ez eas ar
paotr yaouank da Bariz da Skol an Arzoù-
kinklañ ha, gounezet e desteni gantañ, e voe
anvet da gelenner e Skolaj Saint-Dié
(88100) e miz Kerzu 1934.
E-pad e vloavezhioù-studi e roas skridoù
skeudennaouet gantañ da Feiz ha Breiz ha
tresadennoù evit goloioù ar gelaouenn (da
skouer : Pask 1934). E Sant-Laorañs-ar-
Mor e timezas gant Marc'harid-Mari-
Madalen Villard, d'an 22-07-1938, hag an
oferenn-eured a voe lidet gant e vignon
Yann-Vari Perrot. Galvet e voe da soudard
e 1939, paket gant an enebourien ha kaset
da Vro-Alamagn e-lec'h ma chomas e-pad
nav miz. Pa voe dieubet ez eas adarre da
gelenner war an tresañ e Lise an Oriant hag,
e 1942, e Lise Dinan. Eno e chomas betek e
retred. Youenn ar Floc'h eo a dresas golo ar
gelaouenn Barr-Heol e 1956.
Kenlab.:
FHAB : Sul ar Zakramant bras e Roazhon
8/1927/171 Bered kozh Kerlerdut
11/1934/471.
Dave.
M.Renouard, Dictionnaire de Bretagne,
Tours, 1992, p.104.
- G -
GEFFROY, André
Andrev Jafre
Gud ; Gudren ; Mir-e-yezh ; le grand Geff
(Lannuon 21-01-1911/Plougerne 13-05-
1986)
Stourmer breizhat. Mab e oa da Frañsez
Juluan Jafre, didilher lin, ha da Anna Vari
’n Olieroù. Trizek vloaz e oa hepken pa
reas Mordrel* war e dro ha c'hwezek vloaz
pa emezelas ouzh S.B.B. da-geñver
Kendalc'h Rosporden, e 1927. Kregiñ a reas
diouzhtu da ober bruderezh e rannvro
Lannuon a-raok mont d'ober e goñje-
soudard, e 1929, e sonerezh an 71vet R.T.
(rejimant troadeien). Pevar bloaz goude,
d'ar 17-06-1933, e timezas e Châtillon
(92320) gant ur Vretonez, Herried
Aouregan.
E-kerzh an hañv e 1936 e voe krouet gant
Célestin Lainé* (Neven Henaff) ar
“Gadervenn”, ur strollad stourm gourdonet
start. E-touez an daouzek den kentañ
engouestlet er bagad-se e oa Jafre. Paket e
voe gant ar boliserien, e miz Mae 1938, evit
bezañ bastrouilhet savadurioù Stad e
Roazhon hag e Sant-Brieg peurgetket, gant
enskrivadurioù dispac’hus.
Er bloaz 1939 ez eas gant e familh da
Lokireg da chom, da sevel deñved el lec'h
anvet ar Run Wenn. Kemer a reas perzh, e
miz Eost 1939, en afer a vag Gwalarn, da
lavarout eo un dilestradeg armoù e Beg-ar-
Fri. Ur pennadig goude-se e voe engalvet er
248vet RI (rejimant trodeien) hag edo e
Dukark pa voe bombezet start gant an
nijerezh alaman ar gêr-se pa oa ar
soudarded o lestrañ evit mont da Vro-Saoz.
Distreiñ a reas Jafre da Lokireg, goude
emglevioù Montoire, e dibenn miz Gouere
1940 ha kenderc’hel a reas da vezañ ezel
eus ar Gadervenn.
Pa voe krouet ar Bezenn Perrot, e dibenn
1943, e voe kinniget dezhañ gant Neven
Henaff kemer penn ar strollad-se. Nac'hañ a
reas Jafre diouzhtu dre ne oa ket ar Bezenn
un arme emren o stourm gant ul lifre
Geriadur an dud a bluenn Pajenn 33
breizhek. Evit ar memes abeg e nac'has
heuliañ kirri Henaff hag e soudarded da-
geñver o souzadenn etrezek Alamagn e miz
Eost 1944 hag ez eas da brizoniad, a-youl-
vat, da Vontroulez, d'ar 17 a viz Gwengolo
1944. Bac'het e voe e Landerne hag e
Maezgloagen a-raok tremen dirak lez-varn
Kemper ha bezañ kondaonet d'ar galeoù
hed-buhez (15-02-1945). Kaset e voe da
Fontevrault da gentañ ha, goude-se da
Fresnes, d'an 30-11-1949. Eno edo pa
c'hounezas, e 1950, priz kentañ ar
c’hontadennoù gant Ar gouloù-koar
benniget embannet un tammig diwezhatoc'h
e-barzh al Liamm. Met un afer all a oa o
paouez tarzhañ. Tamallet e voe d’ar
prizoniad bezañ deroet daou spier saoz,
Redding hag Abott o anv, d'an Alamaned.
Daoust d'e zinac'h nerzhus ha d’an diouer a
brouennoù e voe kondaonet Jafre ur wech
c’hoazh, met d'ar marv ar wech-se, e miz
Du 1951. Da heul ar varnadenn-se e savas
mesk bras er broioù keltiek. Ur stourmad
kreñv a grogas du-hont e kelaouennoù
Breizh-Veur diwar atiz tud evel Gwynfor
Evans, Joyce Williams pe an doktorez
Noelle Davies. A-drugarez dezho e voe
saveteet Jafre eus ar marv hag, a-benn ar
fin, e voe lezet da vont, d'ar 14 a viz Ebrel
1954, dre walc’h René Coty, prezidant ar
Republik c'hall, goude bezañ bet ereet e
dreid e-pad 605 deiz.
Ur pennad war-lerc’h, e wreg kentañ o
vezañ marv, ec'h addimezas gant Lea
Duduyer er Releg-Kerhuon, d'ar 17-07-
1954 hag e tibriedas e 1963. Bevañ a reas
neuze e rannvro Vrest e-lec'h ma talc'has, e-
pad ur mare, ur stal strilheoul hag e varvas e
Plougerne d'e 75 vloaz.
Kenlab.: BREI : Ar c'houer hag ar marc'hadour
1/1927/4 Yan Vourdou 403/1935/2
BRAT : Ar vuhez 'zo un emgann
283/1937/4 An hent mat nemetañ
320/1939/2
HEUB : Diouganoù deut da wir 4/1940/3.
ARVO : Brezhoneg da lenn 101/1942/1.
LLMM : Ar gouloù-koar benniget
24/1951/27.
Dave. :
R. Caerleon, Au Village des condamnés à
mort, La Table Ronde, Pariz, 1970, 349p.;
Dr N. Davies, The case of Andreo Geffroy,
Swansea, 1952, 8p.; Le Parisien Libéré “La
mort pour André Geffroy” 2230/14-11-
1951/1 ha 10; BPAR.2 La peine de mort
pour avoir dénonçé deux Anglais 263/16-
11-1951 hag Un fait nouveau dans l'affaire
Geffroy 25/11/1952.
GUILLOU, François
Frañsez Gwilhoù
(Lokireg 29-12-1799/Dinan 12-11-1858)
Bet beleget e 1827 hag anvet da gure e
Kastellin. Chom a reas eno daou vloaz
hepken a-raok bezañ kaset da berson, lerc'h-
ouzh-lerc'h e Sant-Evarzeg (1829),
Kernevel (1831), Kerglof (1837) ha Kerien
(1840). Kuitaat a reas ar barrez diwezhañ-
mañ, er bloaz 1855, evit mont da aluzener
gant Frered S. Yann Doue, e Dinan, e lec'h
ma varvas.
Levr.:
Avanturiou un den yaouanq a Vreiz-Izel,
Ti-moul. Ledan, Montroulez, 1830.
Dave.:
Dielloù eskopti Sant-Brieg.
- H -
HERPIN, Pierre Edmond Patient
Pêr Edmont Pasiant Herpin
(Savigny-en-Sancerre (18240) 17-12-
1810/Roazhon 28-09-1885)
Beleg. Ober a reas e studi e Kloerdi bras
Bourges (18000). N'ouzer ket perak e
c'houlennas un aotreadenn evit mont da
eskopti Kemper el lec'h ma voe beleget d'an
23-07-1837 hag anvet da gelenner e Skolaj
Lesneven.
Daou vloaz goude e teue er-maez ar Barzaz
Breiz hag entanet e voe Herpin, marteze a-
walc'h, gant yezh pennoberenn Kervarker.
E fichenn, miret en eskopti, ne lavar ket
Geriadur an dud a bluenn Pajenn 34
deomp pegeit e chomas e Breizh-Izel met
desket e oa bet brezhoneg gantañ pa'z eas
da Skolaj sant Visant Roazhon da gelenner.
Eno e oa pa lakaas moullañ e levrig er bloaz
1870.
Levr.:
Laez ann den paour. Ti-moul. Hauvespre,
Roazhon, 1870, 14p.
Dave.:
Dielloù eskopti Kemper.
- j -
JÉZÉQUEL, René
Ronan Yezekel
(Taole 30-01-1803 / Kleder 18-01-1887)
War-lerc'h bezañ bet beleget, er bloaz 1826,
ez eas da Blouarzhel da gure ha, bloaz
goude, da Blouigno. E 1831 e voe anvet da
berson e Lanneanoù hag, e 1836, e Kleder
el lec'h ma chomas ouzhpenn hanter-kant
vloaz. Mervel a reas, skoet gant droug-ar-
moug, d'e 84 bloaz. Brudet e oa moarvat
rak obidoù hollgaer a oa bet graet dezhañ
gant tri-ugent beleg.
Levr.:
Breuriez an Itron Varia a esperanç
etablisset e parres Cleder, gant daou gantik,
Itron Varia a esperanç ha Salve Regina. Ti-
moul. Lefournier, Brest, h.b. [1855], 12p.
Dave.:
Dielloù eskopti Kemper.
JENKINS, Alfred Llenwelyn
Alfred Llenwelyn Jenkins
(Montroulez 27-11-1846 / Montroulez 01-
11-1924)
Pastor badezour, mab da John Jenkins ha da
Elesbed Hooks. Ober a reas e studioù e
Londrez, e Skol ar Visionerien ha, goude-
se, e Kelenndi Regent’s Park. Distroet da
Vreizh e voe kelenner e Skolaj Montroulez.
Dimeziñ a reas gant ur brotrestantez, miss
Van Eeckout. Anvet e voe da bastor
Montroulez, gant Kevredigezh ar
Visionerien Vatist, er bloaz 1872, war-
lerc’h marv e dad. Derc’hel a reas ar garg-
se betek e zilez, e 1920, en abeg d’e
yec’hed o vont war fallaat. Mervel a reas
pevar bloaz diwezhatoc’h.
Alfred Jenkins a voe ur c’heltiegour ampart
evel e dad. Lakaat a reas adembann meur a
wech An Testamant Nevez hag ivez
arroudoù eus Aviel Sant Ian. Eñ an hini eo a
droas Levr ar Genes a voe moullet ent-
dizanv, e Bro-Saoz moarvat.
Levr.:
Moues ar C’hristen, pe canaouennou
spirituel a gelen vad hag a veuleudi da
Zoue, Ed. Anner, Brest, 12p., in-12.
Ar Bibl santel ; Levr ar Genes, troet e
brezonec ha reizet hervez ar vam-scrid
hebre, Emb. e Pariz, 1897, 172 p., in-8.
Dave.:
Loeiz Dujardin, “Les protestants et la
langue bretonne” e-barzh Bulletin de la
Société de l'histoire du Protestantisme,
1950, p. 71-75.
- L -
LEBRETON, Paul
Paol ar Breton (XIX
vet kantved)
N'hon eus titour ebet diwar-benn an den-
mañ a skrivas ul levrig skiantel en XIXvet
kantved. Ne grede ket d’an oberour e vije
posupl d'an dud kerzhout un deiz war al
loar ha planedennoù all: «Ar voyenou a ro
ar brovidanç da beb tra crouet da veva er
plaç zo marquet déan : arabat é demp eta
caout impossubl e nefe Doue gouêt ober
habitantet evit an êol».
Levr.: Studi war an astrou, grêt gant Paul
Lebreton, Ti-moul. Lefournier, Brest, 1848,
35p.
LE CANN, Jacques Emmanuel
Jakez Emmanuel ar C’hann
Potr L.N.
(Logonna-Daoulaz 31-01-1886/Logonna-
Daoulaz 03-02-1972)
Geriadur an dud a bluenn Pajenn 35
Eñvorennour. Mab da Olier ar C’hann ha da
Anna Filomena Liskivid, labourerien-douar
e Hellen, e parrez Logonna-Daoulaz.
Ac'hano an anv-pluenn kemeret gantañ :
POTR L.N. Mervel a reas e dad abred a-
walc'h ha derc'hel a reas Jakez, neuze, an
atant gant e vamm.
Mignon a-viskoazh e oa da Yann-Vari
Perrot* ha, pa fellas da rener Feiz ha
Breiz adsevel c'hoariva Keryann, e miz
Ebrel 1913, ez eas ar C’hann a zor da zor da
zastum “gwenneg ar vro”. Eñ an hini eo a
roas ar prof brasañ : ur skoed ; e vamm, hi,
a roas pevar real (FHAB miz Mezheven
1913, p.189).
Galvet e voe da soudard e 1914 ha kaset da
Vro-Rusia, e 1917-18, war-lerc'h an emglev
sinet gant Nikolaz II ha Poincaré, evit
deskiñ da ganolerien Rusia ober gwelloc'h o
labour. En em gavout a reas e Moskov e-
kreiz an Dispac'h hag e skrivas e
brezhoneg, deiz-ha-deiz, ar pezh a welas
hag a glevas war ur c'harnedig adkavet
nebeudik zo. Distreiñ a reas da Logonna pa
voe disoudardet hag e timezas, diwezhat a-
walc'h, gant Mari-Anna Brelived (13-07-
1930). Hervez e gerent en dije graet war-
dro ur strollad-c'hoariva, er bloavezhioù
1930, e rannvro Daoulaz. Ur mailh evit
diskoulmañ an divinadennoù e oa Jakez ar
C’hann ha meneget e vez alies e anv war
rolloù ar c'hounideien embannet gant Feiz
ha Breiz.
Kenlab.
FHAB: Potr e dog voulouzet (kontadenn)
5/miz Du 1919/133 Bloavez mat da
Yann Gouard (kan) 7/miz Genver
1920/197.
Kas a reas ivez, a-wechoù, divinadennoù da
ziskoulmañ, e miz Mezheven 1914, miz Du
1925, miz Ebrel 1928...
Dave.:
Paolig Kombod : Un Breton chez les
Bolcheviks, emb. Skol Vreizh, Niv.29,
Montroulez, 1993, 82p.
LE GUÉDÈS (Michel)
Mikael ar Gedez
[An Ospital 29-09-1847/Plouvorn 22-12-
1906]
Saver levrioù devosion. Beleget e voe e miz
Meurzh 1872 hag anvet da gure e Kastellin.
Goude-se e voe lakaet da berson, lerc'h-
ouzh-lerc'h e Pluguen (1886), e Pleiber-
Krist (1893) hag, a-benn ar fin, e Plouvorn
(1899) e-lec'h ma varvas.
Er bloaz 1899 e voe e-touez ar veleien a
zivizas reiñ un eil buhez da Feiz ha Breiz,
aet da get e 1884, hag e penn dalc'hidi ar
Gonideg e voe pa savas un dael hir diwar-
benn an doare-skrivañ da zegemer gant ar
gelaouenn, e-kerzh bodadeg Landerne, d'ar
04-09-1900.
Levr.:
Levre Trede Urz Sant Fransez evid tud ar
bed renket a-nevez e brezounek, gand an
aotrou Guedes, person Plugüen. Ti-moul.
Kerangall, Kemper, 1888, in-16, 92p; eil
emb. Ti-moul. ar C’hastell, Brest, 1906, in-
16, 100p. (gant person Plouvorn).
LE MEUR
Ar Meur
Diaes eo lavarout, hep aon da faziañ, piv eo
oberour al levrig savet diwar-benn ar Pab,
moulet e Sant-Brieg e 1860 ha sinet ar
Meur, hep anv-badez ebet. Tri beleg anvet
evel-se a oa o vevañ en eskopti Sant-Brieg
er bloavezh-se.
Rasket hon eus Frañsez Mari ar Meur
(Plouared 22-05-1838/Sant-Drian 06-10-
1917) rak ne voe beleget nemet e 1862. Edo
er c'hloerdi, eta, e 1860. Chom a ra :
(1) Yann Loeiz ar Meur
(Plouared 18-04-1825/Eskopti Châlons,
goude 1876)
Beleget d'an 22-12-1849 ha lakaet da gure e
Plougonveur (1850). Aluzener e Kastell-
Laouenan e Paoul e 1850. Kure e Pleuveur-
Bodoù (1854). Lestret e voe war ar
Jemmapes evel aluzener ar verdeadurezh e-
pad brezel Krimea (1855). Kure en Eviaz
(1856), Plistin (1857) ha Priel (1859).
Anvet da berson er Merzher-Gwengamp
Geriadur an dud a bluenn Pajenn 36
(1861), e Tredarzeg (1867), e Gurunuhel
(1869) hag, a-benn ar fin, e Lanrodeg
(1874) a-raok mont kuit da eskopti Châlons
(51000) e 1876. Koll a reomp e roud goude-
se.
(2) Frañsez-Mari ar Meur
(Plouha 31-03-1833 / Treglañviz 23-05-
1873)
Beleget d'ar 15-12-1859 hag anvet diouzhtu
da gure e Gras-Gwengamp. Kure e Pontrev
(1862) ha Treglañviz (1865) e-lec'h ma
varvas.
Levr.:
Var sujet an Tad Santel ar Pab, Ti-moul
Prudhomme, S.Brieg, 1860, 14p.
Dave.:
Dielloù eskopti Sant-Brieg.
LE ROY, Jean-Marie
Yann Vari ar Roue
(Plijidi 21-04-1905/Plijidi 23-03-1942)
Kenlabourer da Feiz ha Breiz. Bet beleget
d'an 21-12-1929 ha kaset da Skol
Gampostal Rostrenenn da evezhier. Tost
goude e voe anvet da gelenner war ar
jedoniezh. Ouzhpenn-se e reas war-dro
parrez Sant-Servez (oferennoù, katekizoù,
gousperoù, prezegennoù, h.a.) e-pad un
toullad bloavezhioù.
Galvet e voe da adsoudard e Gwengamp, er
bloaz 1939, daoust d'e yec'hed fall, hag eno
eo, hep mar ebet, e pakas e fall.
Disoudardet e voe a-benn seizh miz hag e
teuas da Blijidi, e ti e dud, el lec'h ma
varvas daou vloaz diwezhatoc'h.
Kenlab.:
FHAB Ar c'haz hag ar vrinnigenn 3-
4/1941/25 Ar vuhez e Pariz 3-
4/1943/254.
Dave.:
SREL Sant-Brieg 05-04-1942/160 ha 17-
04-1942/181.
LE SAINT, Yves
Erwan ar Sant
(Kemper-Gwezhenneg 28-11-1918/Ploubêr
20-12-1990)
Beleg. Goude e dremen e Kloerdi bras Sant-
Brieg e voe beleget d'an 19-06-1943 hag
anvet da gelenner e Skolaj I-V. Wengamp.
Kure e Boulvriag a oa abaoe 1948 pa voe
anvet da sekretour Kevredigezh Bleuñ-Brug
Treger ha Goueloù e miz Du 1953. Bet
person ar Chapel-Nevez e 1960, person
Brelevenez e 1968 ha karget peurgetket eus
ar barrezianed diwar ar maez. Bet c'hoazh
person an Trevoù eus 1975 da 1990 a-raok
mont da bresbital Ploubêr e miz Gwengolo
evit bevañ war e leve. Eno e varvas a-raok
fin ar bloavezh.
War hon eus klevet e oa kenderv Erwan ar
Sant da Armañs ar C’halvez* krouer Skol
gristen vrezhonek Ploueg-ar-Mor hag ar
gelaouenn Skol.
Kenlab.:
BAHE : Ar skolioù 1A/1953/3 Xvet
bloavezh marv E. Rivoallan 68/1971/3.
Dave.:
SREL Sant-Brieg.
- M -
MAURICE, Jean
Yann Moris
(Priel 29-10-1904 / Gwenganp 03-09-1976)
Beleg. Ober a reas e studioù e Kloerdi
bihan Landreger hag e Karmel Sant-Brieg
(1924). Edo e Kloerdi Sant-Brieg, e 1927,
pa rankas mont d’ober e goñje-soudard e
kazarn ar Pépinière e Pariz. Beleget e voe
da Nedeleg 1928 hag anvet da skolaer e
skol gristen Plouilio. Edo skolaer e Sant-
Bernez Bear abaoe 1937 pa voe ret dezhañ
mont d’ar brezel. Paket e voe gant an
Alamaned ha bac’het e stalag Sagan.
Dieubet e voe e miz Here 1941 en abeg d’e
yec’hed o vont war fallaat hag e chomas en
un ospital parizian da vezañ louzaouet a-
Geriadur an dud a bluenn Pajenn 37
raok adkemer e abostolerezh evel person
Mantallod ha Koñfort-Berc’hed e miz Here
1942. Bloaz goude ez eas da berson e
Brelevenez-Lannuon (1943) e-lec’h ma
chomas naontek vloaz. D’ar 16 a viz Eost
1962 e voe anvet da berson Sant-Jili-ar-
C’hoad met fall e oa e yec’hed abaoe ar
brezel hag e zilez a roas e miz Gwengolo
1974. En em dennañ a reas e Priel, e barrez
c’henidik, met berr e voe e retred rak daou
vloaz goude hepken e varve e ospital
Gwengamp.
Lezet en deus war e lerc’h ur c’haier, dek
barzhoneg ennañ, savet gantañ etre 1924 ha
1928 p’edo er c’hloerdi. Ar barzhonegoù-
se, awenet brav gant karantez Vreizh, a zo
chomet diembann betek bremañ.
Barzhonegoù :
Koulmig Priel ; Abarde ; Ma bro ; Breiz
ac’h a da zihuni ;Gourc’hemeno al lonker ;
Dispriz ; Goude an tennan bilhed ; Da
zoudard ; Blavez mad d’eur mignon ; Da
zant Josef.
Dave.:
Dielloù eskopti Sant-Brieg.
MORGANT, Auguste
Aogust Morgant
(Kastell-Paol 01-01-1837/ Kerbêr-Brest 11-
04-1897)
Skrivagner relijiel. Bet beleget er bloaz
1861 hag anvet da gelenner e Kastell-Paol.
Bet kure e Sant-Mazhev-Montroulez
(1864), e Brest-Rekourañs (1867) hag en
Enez-Vaz (1870) a-raok bezañ lakaet e
penn parrez Sibirill (1877). Eno e chomas
seizh vloaz a-raok bezañ kaset da Ouenoù e
1884 ha da Gerbêr, e 1889, e-lec'h ma
varvas.
Sevel a reas prezegennoù diwar-benn an
dek gourc'hemenn, evit ar misionoù hag ar
retredoù, a voe embannet gant un talbenn e
galleg, goude marv an oberour, gant e vreur
Charlez, person Skrigneg.
Levr.:
Conférences sur le décalogue, Ti-moul. ar
Gwaziou, Montroulez, 1910, in-16, 144p.
- P -
PRIGENT, François Marie
Frañsez Mari Prijant
(Plouganoù 23-11-1919/Laval (53000) 23-
10-1989)
Ganet eo bet er Wern, e Plouganoù. Mab e
oa da Vark Prijant ha da Berinaig
Gwioñvarc'h. Dimeziñ a reas e Plouganoù
gant Anna-Vari Bodras d'ar 27 a viz
Meurzh 1951 hag e yeas da Laval (53000)
da labourat. Daoust dezhañ bevañ pell
diouzh ar vro e chomas Frañsez Prijant stag
ouzh hor yezh hag eus Laval ez ae ingal da
Skol-Veur Roazhon betek gounit ur skrid-
testeni war ar brezhoneg, ur yezh kelennet
gantañ e Kelc'h Erispoe Laval.
Sevel a reas un dastumad testennoù berr
moulet gant Hor Yezh goude e varv dindan
an talbenn Plouganoù va bro.
Levr.:
Dalif : Plouganoù va bro, Hor Yezh, 1997,
134p.
Kenlab.:
LLMM : Truez 270/1992/3.
Dave.:
BREM : 190-91/1997/29.
- R -
RICHARD, Stanislas Pascal
Stanislaz Paskal Richarzh
(Enez Sun 19-04-1908/Enez Sun 31-12-
1977)
Misioner ha geriadurour. Mab e oa da Bêr
Richarzh ha da Mari-Janed Kuilhandr.
Mont a reas da besketa, gwech ha gwech all
e-kerzh e vugaleaj, gant martoloded an
enez. Levezonet moarvat gant ur misioner
bennak ez eas, war dro 1922, da skol
Gouestlidi Maria krouet-dinamm (O.M.I.)
hag edo er mare-se e Saint-Hélier (Jerze).
Tremen a reas eno pemp bloavezh da
Geriadur an dud a bluenn Pajenn 38
nebeutañ. Gwiskañ a reas an dilhad-beleg er
bloaz 1928 e leandi ar Ouestlidi a oa e
Coigny (50250), tost da gCarantan. Ober a
reas e ouestloù kentañ en enez Verder (Bro-
Wened), d'ar 15-08-1929, a-raok
kenderc'hel gant e studi e Liège (Belgia). E
ouestloù da vat a reas eno d'ar 15-08-1933.
Bet beleget moarvat e La Brosse-
Montceaux (77130) e miz Gouere 1935, a-
raok bezañ lamet ul lounezh klañv dioutañ e
Pariz, e fin ar memes bloavezh. D'ar 6 a viz
Mae 1936 e voe kaset da "Di Sant-Brieg"
da visioniñ e Breizh-Izel. N'ouzer ket re
perak e voe kaset da Di Angers, e pinijenn,
war-dro 1954. Er bloaz 1960, koulskoude, e
oa distro da Sant-Brieg e-lec'h ma laboure
dija da sevel ur geriadur brezhonek.
Goude ma voe serret Ti Sant-Brieg ha
divodet ar visionerien, e 1969, ez eas kuit
an tad Richarzh da adkavout pirc'hirinaj
Sant Walfroy en Ardennoù.
Distreiñ a rae alies da Vreizh koulskoude
ha, dreist-holl, da Enez-Sun e-lec'h ma oa
bet prenet gantañ daou v-"blockhaus"
alaman, deuet da vezañ e annez, hag anvet
gantañ ar C’hremlin hag ar Vatikan. Eno e
savas ur levr gallek Sein, l'Ile des
Trépassés.
Ret e voe dezhañ mont da ospital Vrest e
1977 en abeg d'e yec'hed o vont war fallaat
hag eno e varvas deiz diwezhañ ar bloaz. E
varv a zo marilhet e ti-kêr an enez.
Lezel a reas war e lerc'h ur pezh geriadur
brezhoneg-galleg, pevarzek kaier anezhañ,
miret e levraoueg Landevenneg.
- S -
SAUVÉ, Léopold François
(Sant-Jord-Restembaod 04-12-
1837/Boulogne-sur-Mer (62200) 07-01-
1892)
Gwerinoniour ha dastumer krennlavarioù
ganet, evel an tad Juluan Maner*, e Sant-
Jord-Restembaod (Breizh-Uhel). Mont a
reas da labourat da Vrest ha da Gemper evel
komis ar maltouterezh a-raok bezañ anvet
da zastumer-tailhoù en Aber-Ac’h
(Landeda) ha, goude-se, e Gwaien.
Deskiñ a reas brezhoneg e-unan hag e
tarempredas tud ouiziek evel an Uhel*,
Herri Gaidoz pe Emil Ernod*. Kenlabourat
a reas e galleg gant ar Revue Celtique, ar
Revue des Traditions populaires, Mélusine
hag all, met ur bern krenlavarioù brezhonek
a bep seurt a zastumas ivez, embannet da
gentañ gant ar Revue Celtique, er
bloavezhioù 1870-72, a-raok bezañ moullet
e stumm ul levr e 1878.
War-dro 1880 e kuitaas Breizh evit mont da
enseller e Remiremont (Vosges, 88200).
Eno e kendalc’has da labourat war dachenn
ar werinoniezh hag e lakaas moullañ, e ti
Maisonneuve e Pariz, ur Folklore des
Hautes-Vosges e 1889. En hevelep
bloavezh e voe anvet da enseller-meur e
Boulogne-sur-Mer e lec’h ma varvas tri
bloaz goude pell diouzh ar vro.
Levr.:
Lavarou koz a Vreiz-izel dastumet ha troet
e gallek, Moul. Champion, Pariz, 1878, in-
8°, 168p.
Dave.:
NRB : 1/1953/68 ; Y. Le Berre : La
littérature de langue bretonne ; Brest, 1994,
eil levr p.467.
- T -
TALBOURDET, Louis
Loeiz Talbourded
(Kemperle 08-06-1791/Kemper 08-01-
1873)
Beleg. Daoust dezhañ bet ganet e Kemperle
ne oa ket ur brezhoneger eus Loeiz
Talbourded. Setu perak, goude bezañ bet
beleget, e 1814, e voe anvet , war e
c'houlenn, e Sant-Vazhe Kemper evit
deskiñ brezhoneg. Goude bezañ bet kure e
Pouldregad e voe anvet da berson lerc'h-
ouzh-lerc'h e Gwaien, Kombrid, Kore ha
Sant-Yann-Drolimon. Ne ro ket kelaouenn
an Eskopti bloaziadoù an anvidigezhioù-se.
Daou vloaz ha pevar-ugent e oa pa varvas
aluzener ospital Sant-Atanaz Kemper.
Geriadur an dud a bluenn Pajenn 39
Levr.:
Diviz etre ur missionner ac ur mezyer var
sujet ar vesventy hep intancion da choqui
dèn e paticulier, Typographie de...,
Kemper, 1840, 123p.
Dave.:
Dielloù eskopti Kemper.
- W -
WILLIAMS, James
(Talacharn (Bro-Gembre) w.-d.
1818/Chester (Bro-Saoz) w.-d.1898)
Ganet e kontelezh Caerfyrddin (Bro-
Gembre), e Talacharn (Laugharne e
saozneg). Ober a reas e studi e Skolaj
kalvinour Bala hag e voe beleget e 1842.
Dimeziñ a reas neuze gant merc’h an Ao.
Jones, pastor Bala, hag o-daou a zeuas da
Vreizh da vevañ e-lec’h ma chomjont
tregont vloaz. Ober a reas e annez er
Faoued (Bro-Wened), da gentañ, hag eno eo
e teskas brezhoneg. Krouiñ a reas c’hoazh
iliz vetodist an Oriant a-raok mont da
Gemper da bastor. Embann a reas e Pariz, e
1860, ul levr gallek, La Basse-Bretagne et
le Pays de Galles, ennañ e rebech da
Gervarker* daleañ da dreiñ ar Bibl e
brezhoneg. Pevar-ugent vloaz e oa-eñ pa
varvas e Bro-Saoz. E droidigezh eus ar
salmoù a voe moullet e Bro-Gembre
moarvat daoust dezhi da vezañ bet
embannet e Pariz.
Levr :
Levr ar psalmou, lekeed e brezonnek hervez
ar vam-scrid hebre, Pariz, 1873, 213p., in-
18.
Dave.:
L. Dujardin, Les protestants et la langue
bretonne, 1950, p.73.